Fatkeqësi, dëmtim i rëndë i Ben Simmons

Basketbollisti australian Ben Simmons pësoi një dëmtim serioz dhe e pret një pauzë të gjatë.

Dy ditë para fillimit të sezonit të ri, Shams Charania raporton se Ben Simmons e ka këputur tendinën e Akilit gjatë stërvitjes të dielën.

Sacramento Kings ishin të entuziazmuar për Simmons në para-sezon, por tani janë në një situatë të tmerrshme sepse pas ekzaminimeve mjekësore dhe rezonancës magnetike, u konfirmua se ai ka këputje të tendinës dhe për të sezoni ka përfunduar.

Kur Ben Simmons erdhi në NBA nga LSU, konsiderohej një talent elit dhe një njeri që krahasohej me Magic Johnson dhe LeBron James për shkak të kombinimit të rrallë të lartësisë, inteligjencës dhe talentit.

Ai ishte zgjedhja e parë në vitin 2016 dhe shkoi në Filadelfia, ku humbi vitin e parë për shkak të një dëmtimi në këmbë, më pas luajti shkëlqyeshëm në disa sezonet e ardhshme, por pas vitit 2021 karriera e tij vazhdimisht po shkon në rënie.

Luajti mirë në periudhën përgatitore, në Sacramento ishin të kënaqur, por megjithatë për shkak të dëmtimit serioz, sezoni për të ka përfunduar.

Foto/ Depositphotos