Është përmbushur edhe një hap për parkimin zonal në Autokomandë, njoftoi Stefkovski

Është përmbushur edhe një hap për parkimin zonal në Autokomandë, njoftoi kryetari i Komunës Gazi Baba, Boban Stefkovski.

„Sot në seancën e Këshillit të Komunës Gazi Baba, u miratua Vendimi për vendosjen e bashkëpunimit ndërkomunal me Qytetin e Shkupit për vendosjen e sinjalistikës rrugore dhe masave për qetësimin e trafikut në Autokomandë. Me këtë vendim krijojmë kushtet për realizimin e fazës tjetër të rëndësishme dhe po afrohemi drejt futjes së parkimit zonal në lagje“, njoftoi Stefkovski.

Aktivitetet do t’i realizojë Ndërmarrja Publike „Rrugët dhe rrugicat“, bazuar në Projektin Kryesor të trafikut për ndryshimin e regjimit të trafikut në rrjetin ekzistues rrugor në Autokomandë.

„Qëllimi ynë është të përgjigjemi ndaj nevojave të përditshme të banorëve të Autokomandës me aktivitete të planifikuara dhe të koordinuara, të cilat do të sjellin më shumë rend në parkim dhe një zhvillim më të sigurt të trafikut“, thotë Stefkovski.