(Video) Cvetanoski: Hajduti Mickoski refuzoi t'u ndihmojë bujqve
Hajduti Mickoski dhe qeveria e tij kriminale një herë tjetër treguan se nuk u interesojnë bujqve – njerëzit që ushqejnë shtetin. Deputetët e VMRO-së, ZNAM dhe VLEN u vunë kundër bujqve. Refuzuan projektligjin e LSDM-së për mbështetje financiare të bujqve, deklaroi Simona Cvetanoski nga LSDM-ja.
„I lanë bujqit vetëm, në baltë, në mes të krizës, kur bujqësia është para kolapsit. U vunë kundër rrushitësve. Votuan kundër që të marrin 8 denarë për kilogram rrush të prodhuar dhe të shitur nga llojet „Vranec“ dhe „Kratošija“, si dhe 300.000 denarë për hektar për ata që nuk do të arrijnë ta shesin rrushin. U vunë kundër prodhuesve të specit ajvar. Votuan kundër që të marrin 10 denarë për kilogram spec të shitur dhe 200.000 denarë për hektar sipërfaqe të regjistruar të mbjellë. U vunë kundër prodhuesve të grurit. Votuan kundër që të marrin 5 denarë për kilogram grurë. Kundër blegtorëve, votuan kundër që të marrin 8.000 denarë për kokë lopë, dhe orizorëve që të marrin 10 denarë për kilogram oriz të prodhuar dhe të shitur“, tha ajo.
Sipas Cvetanoskit, kjo është fytyra e vërtetë dhe hipokrizia e hajdutëve. „Nuk ka para për bujqit, por ka para për tendera dhe kontrata kriminale partiake. Para zgjedhjeve premtonin rilindje bujqësore, subvencione më të larta, treg të sigurt dhe çmime më të larta blerjeje – por bënë shkatërrim. Gjithçka që premtuan e gënjyen. Si do t'i shohin tani bujqit në sy?“, pyeti Cvetanoski.
