Deputetët e VMRO-së, ZNAM dhe VLEN u vunë kundër bujqve, refuzuan propozimin e LSDM-së për mbështetje të bujqve, thonë nga partia opozitare

Deputetët e VMRO-së, ZNAM dhe VLEN, sot në Kuvend refuzuan propozim-ligjin e grupit parlamentar të LSDM-së dhe koalicionit për mbështetje financiare të bujqve. Votuan kundër, u vunë kundër bujqve, në kushte kur bujqësia është sjellë në kolaps, reagojnë nga LSDM.

„Deputetët e pushtetit refuzuan mbështetje për rrushëtorët dhe atë 8 denarë për çdo kilogram rrushi të prodhuar dhe të shitur nga llojet „Vranec“ dhe „Kratošija“, dhe për ata që nuk do të arrijnë ta shesin rrushin – 300.000 denarë për hektar për plantacionet e regjistruara të rrushit.

Refuzuan mbështetje për prodhuesit e specit „ajvarka“ prej 10 denarë për kilogram spec të shitur, plus 200.000 denarë për hektar për sipërfaqet e mbjella të regjistruara.

Deputetët e shumicës qeverisëse nuk votuan për mbështetje prej 5 denarë për kilogram grurë, për 8.000 denarë për kokë për lopët për blegtorët dhe për 10 denarë për kilogram të prodhuar dhe të shitur oriz të thërrmuar“.

Deputeti i LSDM-së, Mile Taleski, në arsyetimin e propozim-ligjit theksoi se bujqësia është në gjendje katastrofale për të cilën përgjegjësi direkte ka Qeveria e VMRO-së dhe kryeministri Mickoski që i mashtroi dhe i tradhtoi bujqit.

„Bujqësia maqedonase sot përballet dhe ndodhet në gjendje katastrofale, gjendje për të cilën përgjegjësi politike direkte mban VMRO dhe kryetari i Qeverisë Kristian Mickoski. Premtuat rilindje bujqësore. Por sollët shkretëtirë bujqësore. Premtuat subvencione më të larta, treg të sigurt dhe jetë më të mirë për bujqit. Bujqit kërkojnë çmime të sigurta blerjeje, subvencione në kohë, shërbime prodhuese të përballueshme dhe një shtet që do të qëndrojë prapa tyre. VMRO nuk mund të flasë për rilindje bujqësore ndërkohë që sheh si bujqit braktisin arat e tyre“, tha Taleski.

Me refuzimin e sotëm të mbështetjes financiare për bujqit, pushteti një herë tjetër tregoi se nuk i intereson që bujqit janë në krizë ekzistenciale dhe se është vënë në pikëpyetje e gjithë prodhimi bujqësor. Nuk ka para për bujqit, por ka para për tendera kriminalë partiakë.

Bujqësia është prodhim, ekzistencë dhe siguri për mijëra familje. LSDM ka qenë dhe do të jetë në anën e bujqve dhe do të vazhdojë të luftojë për ta, sepse puna e bujkut duhet të vlerësohet, thonë nga kjo parti.