"Dončić 'monstruoz' me 53 pikë i jep fund Portlandit"

Basketbollisti slloven Luka Dončić shënon statistika të pabesueshme në fillim të sezonit të ri.

Luka Dončić është ndoshta basketbollisti më i mirë në botë aktualisht, natën e kaluar udhëhoqi Lakers drejt fitores ndaj Portlandit (124:118) me 53 pikë të pabesueshme dhe nga pesë kërcime dhe asistime.

Aktualisht, mesatarisht shënon 40.1 pikë për ndeshje.

Superylli i Los Angeles Lakers u shkrua përsëri në historinë e kësaj franëshize të famshme, duke u bërë vetëm basketbollisti i katërt që ka pasur katër ndeshje radhazi me mbi 40 pikë.

Para tij, këtë e kanë bërë Kobe Bryant, Elgin Baylor dhe George Mikan.

Ai ka 361 pikë në tetë ndeshje të luajtura, pra nëntë sa kanë luajtur Lakers (ka munguar në ndeshjen me Clippers) dhe kjo është shifra më e madhe në epokën moderne të basketbollit dhe nuk është regjistruar që nga Wilt Chamberlain në vitin 1962.

Kjo ishte ndeshja e dhjetë në karrierën e tij me të paktën 50 pikë, ndeshja e 62-të me të paktën 40 pikë, pesë kërcime dhe asistime, duke kaluar Wilt dhe LeBron James në listën e përjetshme, në krye qëndron Michael Jordan.

Dončić është gjithashtu i barabartë me Oscar Robertson për serinë më të gjatë të ndeshjeve me të paktën 35 pikë, 5 kërcime dhe 5 asistime, dhe kjo seri është shtatë ndeshje e gjatë.

Gjatë kësaj serie, Luka pati të paktën pesë tripla, që do të thotë se është lojtari i parë që e ka bërë ndonjëherë këtë.

Foto/ Depositphotos