(Video) Pellegrini për gjyqtarinë ndaj Barcelonës: Katastrofë dhe ndjenjë pafuqie

Futbollistët e Barcelonës, dje në Sevillë fituan ndaj Betisit me 5:2 në javën e nëntë të La Ligës spanjolle, duke barazuar një rekord të vjetër 58 vjeçar. Trajneri i të gjelbërve Manuel Pellegrini ishte shumë i pakënaqur me gjyqtarinë e De Burgos në këtë ndeshje.

Skuadra mysafire, e cila regjistroi fitoren e nëntë në nëntë ndeshjet e La Ligës këtë sezon, shënoi dy gola me një lojtar më shumë, pasi Bernal u përjashtua në minutën e 54-t.

Futbollisti i Betisit mori kartonin e kuq pasi ra pre e provokimit të Jamal.

Pellegrini thotë se vendimet kyçe të gjyqtarit ishin, të paktën, të dyshimta.

"Është një ndjenjë pafuqie, pa dyshim. Rezultati 5:2 nuk pasqyron atë që ndodhi në ndeshje, ndër të tjera, për shkak të situatave të diskutueshme. Ka gjëra që nuk mund të kuptohen ose shpjegohen", tha kiliani.

Më pas Pellegrini foli për golin e anuluar të Betisit, situatën që parapriu golin e tretë të Barcelonës dhe përjashtimin e Bernalit.

"Ai anuloi golin në një mënyrë absurde, sepse faulli ndodhi 30 metra larg aksionit dhe nuk ka asnjë ndikim në gol."

Ai theksoi se edhe Jamal mori pjesë në debat dhe sipas tij, të dy lojtarët duhej të merrnin kartonë të verdhë.

"Përjashtimi është pasojë e provokimit të Lamin Jamalit, dhe ai i dha karton të verdhë njërës palë, ndërsa tjetrin e përjashtoi".

Lidhur me golin e anuluar të Betisit dhe vendimet e diskutueshme, ai tha se ato ndikuan në rrjedhën e lojës dhe se nuk kupton pse gjyqtari u soll ndryshe me situata të ngjashme.

"Sinqerisht, mendoj se gjyqtari pati një ndeshje katastrofale, pa kritere futbolli", vlerësoi Pellegrini punën e gjyqtarit kryesor.

Foto/ Depositphotos