(Foto) Në shoqëri të një bukuroshje 44 vjet më të re: Mik Xheger nuk fsheh se është i çmendur pas saj

Mik Xheger dhe Melani Hamrik rrallë shfaqen në publik, dhe sa herë që e bëjnë këtë, diferenca në moshën e tyre bëhet tema kryesore e bisedës…

I famshmi Mik Xheger dhe e fejuara e tij, Melani Hamrik, u shfaqën së bashku në publik – gjë e rrallë – duke marrë pjesë në një ngjarje humanitare që u organizua nga Alan Kamings, mbajtur në hotelin „The Chancery Rosewood“ në Londër.

Çifti, i cili është bashkë që nga viti 2014 dhe u fejuan në vitin 2023, kaloi mbrëmjen në një ngjarje të organizuar për mbledhjen e fondeve për organizatat „Battersea Dogs & Cats Home“ dhe „Pets As Therapy“.

Legjendari i rokut nga grupi „Rolling Stones“, i cili është 83 vjeç, dukej shumë elegant me një xhaketë kadifeje, e veshur mbi një këmishë me dizajn bardh e zi.

Në anën tjetër, Melani (39) zgjodhi një kombinim të thjeshtë, por shumë elegant në ngjyrë të zezë të plotë, e plotësuar me një çantë të artë. Çifti dukej më i lumtur se kurrë në ngjarjen që mblodhi shumë personazhe të njohura, vullnetarë dhe dashamirës të kafshëve për të mbledhur fondet e nevojshme për dy organizatat humanitare.

Mik dhe Melani janë bashkë tashmë 12 vjet, edhe pse vetëm në prill të këtij viti ajo zbuloi se ishin fejuar që dy ose tre vjet më parë. Në vitin 2016, çifti pati një djalë, Devero Oktavian Bazil – fëmija i parë i Melanit dhe fëmija i tetë i Mikut.

Pavarësisht diferencës së konsiderueshme në moshë, Melani në një intervistë për gazetën londineze „The Times“ në shtator 2024 deklaroi se nuk mendon fare për këtë çështje.