(Foto/Video) Alessandra Ambrosio mahniti në shfaqjen e modës së Victoria’s Secret
Alessandra Ambrosio u rikthye në pistën e modës të „Victoria’s Secret“. Të dielën, në Los Anxhelos, modelja braziliane u shfaq në shfaqjen e saj të 20-të për markën e njohur të veshjeve të brendshme.
Për paraqitjen e saj të parë, ajo veshi një fund mbresëlënës me vija – i shkurtër në pjesën e përparme dhe me bisht të gjatë në pjesën e pasme – dhe një sytjena nën një pjesë të sipërme transparente dhe shkëlqyese.
Look-u e kompletoi me këpucë në ngjyrë rozë intensive dhe vathë të varur. Ajo ecte me vetëbesim në pistë, duke dërguar puthje drejt publikut dhe duke luajtur me fundin e saj.
Për paraqitjen e dytë, ajo zgjodhi një komplet të bardhë të veshjeve të brendshme dhe krahë të mëdhenj argjendi të zbukuruar me pendë. Kombinimin e plotësoi me byzylykë shkëlqyes, vathë dhe këpucë argjendi.
Në fund të shfaqjes, ajo udhëhoqi modelet e tjera gjatë finales, e cila u shoqërua me hitin „Say You’ll Be There“ nga grupi „Spice Girls“ i vitit 1996.
Një pjesë e „Victoria’s Secret“ që nga viti 2000
Ambrosio debutoi në një shfaqje të „Victoria’s Secret“ në vitin 2000, dhe në vitin 2004 u bë „Engjëlli“ i markës.
Në dy raste – në vitet 2012 dhe 2014 – ajo pati nderin të veshë legjendarin „Fantasy Bra“, një model luksoz i zbukuruar me gurë të çmuar.
