Gerasimovski: Deratizim i rregullt vjeshtor në Qendër, përfshihen 2.000 puseta
Komuna Qendër po kryen deratizim të rregullt vjeshtor në tërë territorin e vetëqeverisjes lokale, me të cilin përfshihen rreth 2.000 puseta.
Deratizimi kryhet me qëllim të luftimit të brejtësve të dëmshëm dhe parandalimit të përhapjes së sëmundjeve ngjitëse, si pjesë e masave të vazhdueshme për mbrojtjen e shëndetit të qytetarëve, thonë nga Komuna Qendër.
"Ky është deratizim i rregullt që e kryejmë në tërë zonën e komunës. Para disa javësh realizuam edhe deratizim të jashtëzakonshëm për luftimin e brejtësve dhe parandalimin e burimeve potenciale të infeksioneve", theksoi kryetari i Komunës Qendër, Goran Gerasimovski.
Preparati që përdoret është i certifikuar dhe i miratuar nga Ministria e Shëndetësisë, dhe është i destinuar për kontrollin e dëmtuesve, pa paraqitur rrezik për llojet e tjera të kafshëve. Deratizimi sistematik është pjesë e aktiviteteve të rregullta parandaluese për mbajtjen e higjenës dhe mbrojtjen e shëndetit publik, shtojnë nga Komuna Qendër.
