Le Pen: Ursula von der Leyen ka humbur besimin e qeverive evropiane

Marine Le Pen, një nga figurat kryesore të Asamblesë Kombëtare Franceze dhe kandidate për president të Francës, deklaroi se kryetarja e Komisionit Evropian, Ursula von der Leyen, nuk gëzon më besim nga shumë qeveri të vendeve anëtare të Bashkimit Evropian, duke vënë në pikëpyetje qëndrueshmërinë e saj politike në krye të ekzekutivit të BE-së.

"Ajo nuk gëzon më besim nga shumë qeveri të BE-së", tha Le Pen në një intervistë për "Financial Times".

Le Pen shprehu dyshime se von der Leyen do të mund të qëndrojë në detyrë deri në fund të mandatit të saj, duke treguar për pakënaqësinë në rritje ndaj mënyrës se si menaxhohet Bashkimi Evropian.

Politikania franceze gjithashtu paralajmëroi se, në rast fitoreje në zgjedhjet presidenciale të vitit 2027, mund të hyjë në një konflikt serioz politik me Brukselin, kryesisht për shkak të shpërndarjes së buxhetit, kompetencave të institucioneve evropiane dhe mënyrës së marrjes së vendimeve.

Një nga çështjet më të rëndësishme rreth të cilave Le Pen paralajmëron kundërshtim ndaj Brukselit është vazhdimi i ndihmës financiare për Ukrainën.

Ajo vuri në pikëpyetje mundësinë që Franca të vazhdojë të ndajë fonde të mëdha për programet evropiane të mbështetjes për Kievin, duke theksuar barrën financiare mbi buxhetin francez.