Mbrëmje kushtuar Beti Gjorgjeviq në KIC Beograd

KIC maqedonas në Beograd, në bashkëpunim me “Tangram Qendrën”, organizon një mbrëmje kushtuar interpretueses së madhe të xhazit dhe soul-it, me prejardhje maqedonase, Beti Gjorgjeviq.

Koncerti, i titulluar sipas hitit të saj të madh të parë “Fundi i trishtimit tim” („Крај моје туге“) me të cilin fitoi popullaritet që në vitin e largët 1974, do të jetë i mbushur me kujtime për të, përmes materialeve të përzgjedhura video, si dhe me interpretimet muzikore të solisteve të njohura vokale Nada Pavlloviq dhe Snezana Beriq-Ekstra Nena, me shoqërim piano nga Nebojsha Kostiq.

Moderator dhe skenarist i ngjarjes do të jetë aktori Peđa Milojeviq. Iniciatorë dhe organizatorë të kësaj mbrëmjeje memoriale muzikore janë KIC Beograd dhe drejtori Vasko Shutaro, ndërsa ngjarja mbështetet nga Ministria e Kulturës dhe Turizmit.

Beti Gjorgjeviq, e cila vdiq më 19 janar të këtij viti, ishte mysafire e rregullt në të gjitha ngjarjet më të rëndësishme kulturore të organizuara nga KIC Beograd, dhe ideja për të realizuar një portret kushtuar jetës së saj të pasur muzikore, ajo e mbështeste fuqishëm dhe gëzohej shumë.

Mbrëmja kushtuar Beti Gjorgjeviq do të fillojë të premten (30 tetor) në orën 19:30, në KIC Beograd, në rrugën Maqedonska 30, dhe për të tashmë ka interes të madh në publikun e Beogradit, mes adhuruesve, bashkëpunëtorëve dhe miqve të Beti Gjorgjeviq, si dhe në mediat serbe, të cilat tashmë kanë paralajmëruar pjesëmarrjen në ngjarje.