Trump pas humbjes së republikanëve: Unë nuk isha në fletën e votimit
Ndërsa vijnë raportet për humbjet e kandidatëve republikanë në zgjedhjet e mesit të mandatit, presidenti amerikan Donald Trump u shpreh në platformën e tij të mediave sociale, "Truth Social".
"Unë nuk isha në fletën e votimit, dhe nëse do të isha – do të fitonim me NJË DIFERENCË TË MADHE! Faleminderit për vëmendjen e kushtuar kësaj çështjeje", shkroi Trump.
Gjatë fushatës, Trump i bëri thirrje votuesve "të bëhen sikur" emri i tij ishte në fletën e votimit.
Në tubimet parazgjedhore në prag të zgjedhjeve për Kongres, Trump shpesh inkurajonte votuesit "të bëhen sikur" emri i tij ishte në fletën e votimit. Në momente të caktuara, ai madje sugjeroi se, në njëfarë kuptimi, edhe vetë ai ishte kandidat në këto zgjedhje.
