Ushakov: Putin garanton sigurinë e Zelenskyt nëse vjen në Moskë

Presidenti rus Vladimir Putin sot deklaroi se presidentit të Ukrainës, Volodymyr Zelensky, do t’i garantohet siguria nëse vjen në Moskë, tha Yuriy Ushakov, ndihmës i presidentit rus për politikë të jashtme.

Sipas Ushakovit, presidenti rus e tha këtë gjatë bisedës telefonike të sotme me kryeministrin norvegjez Jonas Gahr Støre dhe presidentin finlandez Sauli Niinistö, transmeton TASS.

Putin u tha Niinistös dhe Støre, tha Ushakov, se Zelenskyt do t’i sigurohen të gjitha kushtet e nevojshme, përfshirë edhe sigurinë, nëse vjen në Moskë.

Biseda e Putinit, që zgjati 90 minuta, u përqendrua kryesisht në marrëveshjen për vazhdimin e negociatave midis Rusisë, Ukrainës dhe SHBA-së, transmetojnë agjencitë.