Bolsonaro u nis për SHBA, policia nuk di se si e la Brazilin
Senatori brazilian Flavio Bolsonaro u nis për SHBA pasi humbi zgjedhjet presidenciale të dielën, thanë burime të njohura me këtë çështje. Bolsonaro, sipas të njëjtave burime, la vendin pavarësisht se Gjykata Supreme i kishte urdhëruar të dorëzonte pasaportën, raportoi Reuters.
Destinacioni i saktë i Bolsonaro-s, kur pritet të arrijë dhe nëse do të kërkojë azil ende nuk dihet. Administrata e presidentit amerikan Donald Trump më parë pretendoi se babai i Flavio-s, ish-presidenti Jair Bolsonaro, ishte viktimë e përndjekjes politike në Brazil.
Nisja e Flavio Bolsonaro-s për SHBA mund të tensionojë më tej marrëdhëniet midis dy vendeve më të populluara në Amerikë. Presidenti brazilian Luiz Inácio Lula da Silva akuzoi Uashingtonin për bashkëpunim me familjen Bolsonaro për t’i rikthyer ata në pushtet. Para zgjedhjeve të së dielës, mediat raportuan për fushatën e Departamentit Amerikan të Shtetit të fokusuar në rikthimin e tyre në detyrë, transmeton media.
Bolsonaro ishte favorit në zgjedhjet e së dielës, por papritur humbi nga kandidati i majtë Lula. Të hënën, i janë dhënë 24 orë për të dorëzuar pasaportën për shkak të hetimit për pastrim parash. Bolsonaro i mohon të gjitha akuzat. Afati ka skaduar, dhe dy burime thonë se dokumentet e tij të udhëtimit janë anuluar si pasojë e kësaj. Ende nuk është e qartë nëse ai mund të hyjë në SHBA me pasaportë të anuluar, sipas raportimeve.
