(Foto) Filloi rikonstruksioni i plotë i rrugëve „Butelska“ dhe „Radishanska“
Kryetari i Qytetit të Shkupit, Orce Gjorgjievski njoftoi se ka filluar rikonstruksioni i plotë i rrugëve „Butelska“ dhe „Radishanska“.
„Kur së bashku me Darko Kostovskin kërkonim besimin e qytetarëve, dhamë një premtim të qartë, se gjatë mandatit tim, këto dy rrugë të rëndësishme në Butel do të rikonstruktohen plotësisht. Sot, për më pak se një vit nga marrja e përgjegjësisë, kërkesa shumëvjeçare e banorëve tashmë po bëhet realitet.
Aktivitetet ndërtimore kanë filluar, dhe me to vjen edhe fundi i pritjes së gjatë për kushte më të mira në lagjen tuaj! Rikonstruksioni përfshin asfalt të ri, trotuare të reja dhe kanalizim të ri atmosferik. Kjo do të thotë lëvizje më e sigurt, rrugë të rregulluara dhe zgjidhje të problemeve me të cilat qytetarët janë përballur për vite me radhë. Kushtet bazë për një jetë dinjitoze që çdo lagje e meriton!
Njëkohësisht, në Butel po ndërtojmë edhe mega-parkun prej 86.000 m², një sipërfaqe të madhe të gjelbër që do të bëhet vend i ri për shëtitje, të qeshura fëmijësh, rekreacion dhe momente të përbashkëta familjare. Po ashtu është në proces ndërtimi rrethrrotullimi, si dhe rregullimi i shtratit të lumit Serava“, tha kryetari i qytetit.
