(Foto) Lukrovski në takim me banorët e Zlokukanit: Probleme të mapuara, masa konkrete në vijim

Kryetari i Komunës së Karposhit, Sotir Lukrovski, së bashku me përfaqësues të shërbimit inspektues komunal, Stacionit Policor Karposh dhe këshilltarë nga Këshilli i Komunës së Karposhit, dje pasdite mbajti një takim me banorët e Zlokukanit, njoftoi Komuna.

"Takimi shkaktoi interes të madh tek banorët lokalë, të cilët hapur treguan problemet me të cilat përballen çdo ditë.
Ndër sfidat kryesore u theksuan ndotja, deponitë e egra, si dhe sjellja e papërshtatshme dhe e papranueshme e një grupi banorësh, që e vështirëson funksionimin e përditshëm në lagje.

Përfaqësuesit e shërbimeve inspektuese mapuan problemet kyçe, me qëllim përcaktimin e mënyrave të mundshme për zgjidhjen e tyre.
Kryetari Lukrovski njoftoi se së shpejti do të organizohet një takim i ri me banorët, ku do të diskutohet për masa konkrete dhe zgjidhje të mundshme.

"Në komunikim të drejtpërdrejtë me qytetarët drejt zgjidhjeve konkrete për një jetë më të mirë në Zlokukan!", thonë nga Komuna e Karposhit.