Gjashtë policë nën procedurë disiplinore dhe pezullim për shkak të përdorimit të supozuar të forcës së tepruar ndaj djemve

Gjashtë punonjës policie do të përballen me procedurë disiplinore dhe pezullim për shkak të parregullsive të konfirmuara në veprimet policore më 7 tetor, kur supozohet se është përdorur forcë fizike e tepruar ndaj djemve, duke u shkaktuar atyre lëndime trupore.

Departamenti për kontroll të brendshëm, hetime kriminalistike dhe standarde profesionale pranë Ministrisë së Punëve të Brendshme po ndërmerr masa për zbardhjen e plotë të rastit.

Nga verifikimet, incizimet video dhe deklaratat e dëshmitarëve janë konstatuar një sërë parregullsish në veprimet e punonjësve policorë. Për këtë arsye, kundër gjashtë personave do të nisë procedurë për shkelje të rregullave të punës dhe disiplinës, dhe do të merren masa për largimin e tyre nga vendi i punës, pra pezullim.

Në lidhje me denoncimet për vepra të mundshme penale, të dorëzuara në Departamentin për kontroll të brendshëm dhe Sektorin për punë të brendshme Shkup, prokuroritë kompetente kanë nxjerrë urdhëra për ekspertiza, të cilat tashmë janë në proces.

MPB njofton se pas dokumentimit të të gjithë materialit provues do të dorëzohen kallëzime të përshtatshme.

Me procedurat duhet të sqarohen të gjitha rrethanat e ngjarjes dhe përgjegjësia eventuale e punonjësve policorë.