Higjiena Komunale-Shkup: Gjatë tetorit janë mbledhur dhe transportuar 𝟣𝟰 𝟢𝟢𝟢 ton mbeturina komunale

Gjatë muajit tetor, ekipet e NP Higjiena Komunale-Shkup mbledhën dhe transportuan 14 000 ton mbeturina të përziera komunale nga familjet dhe subjektet juridike në territorin e qytetit të Shkupit.

Në të njëjtën periudhë, nga hapësirat publike dhe rrugore u larguan edhe 950 metra kub mbeturina të mëdha dhe ndërtimore të hedhura në mënyrë të paligjshme. Sasia më e madhe e mbeturinave nga deponitë e egra - 200 metra kub - u mbledh në komunën Çair, njoftoi NP Higjiena Komunale-Shkup.

"Gjatë muajit të kaluar, Eko-patrulla e NP Higjiena Komunale-Shkup dorëzoi 83 protokolle edukativo-informative për persona privatë dhe përfaqësues të subjekteve ekonomike që u kapën duke shkelur Ligjin për pastërtinë publike. Numri më i madh i protokolleve – gjithsej 47 – u dorëzuan në territorin e komunës së Shkupit, Çair.

NP Higjiena Komunale-Shkup përmes pastrimit manual dhe me makineri dhe larjes mban çdo ditë higjienën publike në bulevardet dhe rrugët e Shkupit, si dhe në sheshet dhe urat për këmbësorë në zonën qendrore të qytetit, shtigjet dhe trotuaret e urave "Goce Dellçev" dhe "Sloboda" dhe të gjithë hapësirën e Çarshisë së Vjetër të Shkupit.

Punonjësit e administratës së NP Higjiena Komunale-Shkup, gjatë muajit tetor morën pjesë edhe në aksionin masiv ekologjik "Mos lër mbeturina, lësho shembull", të organizuar nga Qyteti i Shkupit", njoftojnë nga NP Higjiena Komunale-Shkup.