I është marrë pasaporta dhe ndalohet puna: masa paraprake për prokurorin e lartë publik nga Bitola

Masa paraprake i janë caktuar shefit të Prokurorisë së Lartë Publike në Bitola, kundër të cilit është nisur hetim për dyshim për marrje shpërblimi për ndikim të paligjshëm, njoftuan nga Gjykata Penale Shkup.

„Gjykatësi i procedurës paraprake në Gjykatën Themelore Penale Shkup, duke vepruar mbi propozimin e Prokurorisë Themelore Publike për ndjekjen e krimit të organizuar dhe korrupsionit për caktimin e masave paraprake kundër P.V. – Prokuror i lartë publik nga Bitola, pas marrjes në pyetje të të dyshuarit në praninë e mbrojtësit të tij, si dhe pas vlerësimit të fakteve dhe provave të përfshira në propozim, mori vendim me të cilin pranoi propozimin e OJOPKK.

Kundër P.V., i cili dyshohet për veprën penale „Marrje shpërblimi për ndikim të paligjshëm“ nga neni 359 paragrafi 3 në lidhje me paragrafi 2 të Kodit Penal, duke pasur parasysh faktin se gjykata nuk mund t’i caktojë masë më të rreptë se masa e propozuar nga prokurori publik, i caktohen masa paraprake – konfiskimi i dokumentit të udhëtimit dhe ndalimi për kryerjen e aktiviteteve të caktuara pune.

Kundër këtij vendimi palët kanë të drejtë ankese para Këshillit Penal të kësaj gjykate“, njoftoi gjykata.