Presidentja Siljanovska-Davkova pranoi letrat kredenciale të ambasadorit të ri të Turqisë, Alper Aktaş

Presidentja Gordana Siljanovska-Davkova sot pranoi letrat kredenciale të ambasadorit të ri të Republikës së Turqisë, Alper Aktaş.

Duke i uruar mirëseardhje, ajo shprehu bindjen se gjatë mandatit të tij marrëdhëniet e mira maqedono-turke do të bëhen edhe më të mira.

Sipas saj, Turqia nuk është vetëm partneri ynë strategjik dhe aleat i rëndësishëm në NATO, por edhe një mik i sinqertë që kupton prioritetet maqedonase.

Në formimin e Këshillit për bashkëpunim në nivel të lartë, ajo sheh një hap përpara politik.

Për ambasadorin Aktaş, partneriteti strategjik është shumë i rëndësishëm për të dy vendet.

Siljanovska-Davkova sheh hapësirë të hapur për bashkëpunim në ekonomi, tregti, mbrojtje, infrastrukturë, energjetikë, turizëm, kulturë dhe arsim.

Ajo përshëndeti Platformën Ballkanike për Paqe, e iniciuar nga Republika e Turqisë, si një kornizë për ndërtimin e stabilitetit rajonal përmes dialogut.

Për të dy, komuniteti turk është një segment i rëndësishëm i mozaikut etnik dhe fetar maqedonas, ashtu si edhe qytetarët me prejardhje maqedonase në Turqi janë një urë e fortë ndërmjet shteteve.

Ata ndanë histori personale që i lidhin: ambasadori Aktaş theksoi prejardhjen e tij maqedonase familjare, ndërsa presidentja kujtoi se ka lindur në një shtëpi turke në Ohër.

Në fund, ajo i dëshiroi sukses në kryerjen e funksionit të përgjegjshëm të ambasadorit.