Stoillkoviq në hapjen e parkut të ri adrenalitik në Kriva Pallankë

Ministri i vetëqeverisjes lokale, Ivan Stoillkoviq, mori pjesë në hapjen e Parkut Adrenalitik në lokalitetin Kalin Kamen, pjesë e projektit „Atraktiviteti ndërkufitar – turizëm i zgjuar në rajonin Kjustendil – Kriva Pallankë – Nevestino“, i mbështetur përmes programit Interreg IPA Bullgari – Maqedonia e Veriut.

Në projekt bashkëpunojnë gjashtë partnerë, dhe vlera totale arrin mbi 975 mijë euro. Për aktivitetet e Komunës së Kriva Pallankës janë parashikuar afërsisht 305 mijë euro, prej të cilave rreth 45 mijë euro janë kofinancim kombëtar nga Ministria e vetëqeverisjes lokale.

"Pas këtyre shifrave qëndron një përfitim konkret për qytetarët. Me rregullimin e këtij hapësire, Kriva Pallanka fiton një përmbajtje të re turistike dhe një arsye të re për vizitorët që të vijnë, të qëndrojnë më gjatë dhe të njohin natyrën, kulturën dhe njerëzit e këtij krahu.

Projekti lidh Kalin Kamen, Kokino, Hisarlka dhe Shën Ana në një ofertë më të gjerë turistike ndërkufitare. Kjo është thelbi i bashkëpunimit – çdo vend ka vlerën e vet, dhe së bashku mund të tërheqin më shumë vizitorë dhe të krijojnë mundësi më të mëdha për tërë rajonin", theksoi Stoillkoviq.

Parku adrenalitik në Kalin Kamen është investimi më i madh infrastrukturor në anën maqedonase brenda projektit dhe një nga investimet më të rëndësishme në infrastrukturën turistike në Kriva Pallankë në vitet e fundit.

Me realizimin e projektit, Kalin Kamen zhvillohet si një destinacion turistik katërsezonal dhe qendër për turizëm aktiv dhe aventurier në rajonin Verilindor, me potencial për rritjen e numrit të vizitorëve, qëndrimin më të gjatë turistik dhe nxitjen e zhvillimit ekonomik lokal.