U dakorduan, e liruan Iva Mihajllova, tani bëjnë teatër: LSDM kërkon dorëheqjen e Toshkovskit

Përtej shpinës së popullit, nën tavolinë, "nën radar" u dakorduan me Bullgarinë dhe e liruan Iva Mihajllovën përmes kufirit, reagojnë nga LSDM.

"Mucunski ka rënë dakord, Pançe e liroi. Dhe Mickoski dukshëm ka dhënë miratimin.

Në vend të përgjegjësisë nga Toshkovski tani populli sheh teatër.

Thirret ambasadori i Bullgarisë, shpallet urdhër arresti, kërkohet paraburgim, ia kalojnë përgjegjësinë dikujt tjetër, zhvillohet një fushatë mediatike, fajtorë janë Filipçe, Zaev, LSDM.

Skema klasike hajdutë. Sa herë kapen në flagrancë duke gënjyer popullin, duke bërë marrëveshje "nën radar".

LSDM, theksojnë nga partia, kërkon përgjegjësi nga të gjithë ata për të cilët do të konstatohet se janë të përfshirë në lirimin e Mihajllovës.

"Nga ata që kanë rënë dakord dhe kanë dhënë udhëzime, deri te ata që kanë vepruar ose kanë lënë të mos veprojnë.

E liruan të ikë, pritën të shfaqet në mediat bullgare për të nisur më pas mediat e tyre, 40% nën kontrollin e Orbanit dhe Vuçiqit, teatrin në shtëpi.

Kufiri është djathë zviceran, sitë për kriminelë dhe për refugjatë nga drejtësia.
Kjo është e dakorduar! Prandaj duhet të ketë përgjegjësi".

LSDM kërkon dorëheqjen e Pançe Toshkovskit si ministër që, siç thonë, drejton policinë dhe shërbimet përgjegjëse për kontrollin e kufirit.

Qytetarët, vlerësojnë në partinë opozitare, meritojnë të vërtetën dhe drejtësinë, shteti meriton institucione që zbatojnë ligjin.