Siner ka trajner të ri

Tenisti italian Janik Siner ka angazhuar suedezin Magnus Norman si trajner të ri, njofton ekskluzivisht britaniku "Times".

Norman do t'i bashkohet stafit trajner në dhjetor, kur do ta zëvendësojë australianin Darren Kejhil, i cili njoftoi përfundimin e karrierës së tij trajner pas kësaj sezoni.

Simone Vanoci, me të cilin bashkëpunon që nga viti 2022, do të mbetet në ekipin e Sinerit.

Gjatë karrierës së tij aktive, Norman arriti vendin e dytë në renditjen ATP dhe fitoi 12 tituj, ndërsa suksesi i tij më i madh në turnetë Grand Slam ishte finalja e Roland Garros në vitin 2000.

Megjithatë, ai la gjurmën më të madhe si trajner, veçanërisht përmes bashkëpunimit me zviceranin Stan Wawrinka.

Nën drejtimin e tij, Wawrinka fitoi të tre trofetë Grand Slam në karrierën e tij – Australian Open në 2014, Roland Garros në 2015 dhe US Open në 2016.

Gjatë asaj periudhe, ai arriti edhe vendin e tretë në renditjen ATP.

Foto/ Depositphotos