Zhoze Murinjo me Realin viziton "Olimpikon"

Sot në mbrëmje, lojtarët e Real Madridit do të jenë mysafirë te Roma, në ndeshjen e raundit të dytë të Ligës së Kampionëve aktuale. Ndeshja do të jetë veçanërisht sfiduese dhe e vështirë, por edhe shumë motivuese në të njëjtën kohë, për trajnerin Zhoze Murinjo, i cili në të kaluarën drejtoi "Ujkun".

Murinjo me Romën arriti të fitojë një titull në Ligën e Konferencës dhe të jetë aktor në një finale të Ligës së Evropës. Ai e la klubin pasi u shkarkua.

"Gjatë 90 minutave, tifozët e Romës dhe unë do të jemi kundërshtarë. Por, kurrë nuk do të jemi armiq, vetëm rivalë. Gjatë ndeshjes, nuk ka dilemë – edhe Roma edhe unë duam të fitojmë… E shkarkimi? Kjo është jeta dhe kjo është futbolli.

Ndoshta tani do të kem shansin të ndjej përkrahjen e njerëzve dhe do të përpiqem të kontrolloj veten. Në shumë klube janë sjellë mirë me mua, por tifozët e Romës janë padyshim njerëz të veçantë", tha Murinjo pas mbërritjes në "qytetin e përjetshëm".

Sipas Murinjos, ndeshja e ardhshme do të jetë jashtëzakonisht frymëzuese dhe sfiduese.

"Në dy ndeshjet e para të Ligës së Kampionëve, kemi nxjerrë dy ekipet më të mira nga Serie A. Fillimisht Interin, dhe tani Romën. Jemi të përgatitur për stilin e lojës që kultivon Roma, edhe pse dimë që ata mund të luajnë ndryshe, dhe ne do të jemi të përgatitur të reagojmë", pretendon Murinjo.

Foto/ Depositphotos