Zverev u bë reketa numër 1 në botë

Tenisti gjerman Aleksandar Zverev, nga mbrëmë, zyrtarisht është tenisti më i mirë në botë.

Në listën e ATP-së në kohë reale, Zverev e kaloi italianin Janik Siner dhe u bë tenisti i 30-të që arriti të jetë më i miri në planet në një moment.

Zverev arriti deri aty me fitoren ndaj holandezit Talon Grikspor në raundin e dytë të turneut në Vjenë.

Gjermani fitoi me 6:4, 6:4, dhe ndeshja zgjati 95 minuta.

Zverev u bë gjermani i dytë, pas legjendarit Boris Beker, në vendin e parë në botë, ndërsa kundërshtari i kampionit dy herë në Grand Slam në çerekfinalen e Vjenës do të jetë britaniku Artur Feri.

Për shkak të dëmtimit të Sinerit, është e qartë që 29-vjeçari Zverev do ta përfundojë vitin në krye të listës ATP.

Foto/ Depositphotos