(Video) Bezos: Këtë herë kthehemi në Hënë për të qëndruar, duhet të jemi më të shpejtë se Kina

SHBA planifikojnë të kthehen në Hënë, por këtë herë me qëllim të vendosin një praninë të përhershme dhe ekonomikisht të qëndrueshme atje, në dallim nga ekspeditat e shkurtra në kuadër të programit Apollo, deklaroi themeluesi i Amazon dhe kompanisë hapësinore Blue Origin, Jeff Bezos.

"Këtë herë shkojmë në Hënë për të qëndruar, dhe do ta bëjmë këtë me kosto më të ulëta. Nuk do të jetë vetëm një mision tjetër pas të cilit kthehemi në shtëpi. Do të jetë një bazë e vërtetë, e qëndrueshme nga e cila do të mund të eksplorojmë Hënën", tha Bezos dje për "Fox News".
Ai vlerësoi se ekzistojnë të gjitha arsyet për të besuar se njerëzit do të mund të zbresin përsëri në Hënë në vitin 2028, duke theksuar rëndësinë e garës me Kinën.

"Duhet të mundim Kinën në kthimin në Hënë. Besoj se do të ia dalim", tha Bezos.

Sipas tij, Hëna mund të shërbejë si një bazë logjistike për misionet e ardhshme me ekuipazh njerëzor drejt Marsit. Ai theksoi se udhëtimi deri atje zgjat rreth tre ditë, dhe për shkak të gravitetit më të ulët, për ngritjen e ngarkesave nga sipërfaqja e saj nevojitet shumë më pak energji se nga Toka.

Kompanija Blue Origin është një nga partnerët kryesorë komercialë të NASA-s në programin Artemis. Ajo po zhvillon një sistem për uljen në Hënë me të cilin astronautët duhet të transferohen në sipërfaqen e saj në kuadër të misionit Artemis V.