Cardi B zbuloi emrin e djalit pas një viti, pas tij qëndron një histori e veçantë

Reperja Cardi B zbuloi emrin e djalit të saj, një vit pas lindjes së tij. Djali, i cili ka për baba lojtarin e futbollit amerikan Stefon Diggs, quhet Grey Marsean Diggs. Ajo e ndau emrin e tij në një postim në Instagram me rastin e ditëlindjes së tij të parë, të cilën familja e festoi me një festë të frymëzuar nga seriali "Vëzhgim në anatomi" (Grey’s Anatomy).

Në postimin e ditëlindjes në Instagram, Cardi B iu drejtua drejtpërdrejt djalit të saj. "Ka kaluar vetëm një vit që kur u njohëm, por duket sikur ke qenë pranë meje gjithë jetën", shkroi ajo.

Ajo u ndal edhe te shtatzënia e saj, duke theksuar: "Të mbaja brenda meje në një nga periudhat më të pasigurta dhe më stresuese të jetës sime. Ndërsa rrije brenda meje, njëkohësisht më jepje forcë për të vazhduar më tej. I dhurove një kuptim krejt të ri ditëve 'të holla' (grey)".

"Me buzëqeshjen tënde, të qeshurën tënde dhe personalitetin tënd të mrekullueshëm, ti ndriçon jetën time dhe sjell gëzim kudo që shkon", shtoi ajo.

Grey është fëmija i katërt i Cardi B. Reperja ka edhe një vajzë tetëvjeçare, Kulture Kiari; një djalë pesëvjeçar, Wave Set; dhe një vajzë dyvjeçare, Blossom Belle – të gjithë me reperin Offset. Lindja e Grey u konfirmua në nëntor të kaluar, megjithëse atëherë nuk u zbulua emri i tij. U njoftua vetëm se Cardi B dhe foshnja janë "të shëndetshme dhe të lumtura" pas lindjes.

foto/EPA