(Foto) Veshur me fustan nusërie të njomur në gjak dhe, për herë të parë, nuk shkaktoi asnjë fyerje ndaj vetes

Georgina Rodriguez u kujdes që këtë Halloween ta bëjë sa më të frikshëm; kostumi i saj tërhoqi vëmendjen e publikut në rrjetet sociale.

Gruaja e Cristiano Ronaldos, Georgina Rodriguez, i çoi ndjekësit e saj në Instagram në një udhëtim të vërtetë horror për Halloween. Ajo ndau një seri fotografish të frikshme ku pozon me një fustan nusërie të njomur me gjak, shoqëruar nga një skelet dhe një ambient i frikshëm në natyrë.

Modelja dhe biznesmenia publikoi fotografi nga një festë Halloween në Madrid. Për këtë rast, ajo zgjodhi një fustan nusërie të bardhë të spërkatur me gjak artificial, me një shami dhe make-up të spikatur, duke u shndërruar në një nuse të frikshme.

Në fotografi, ajo shtrihet në bar pranë skeletit, e rrethuar me dekorime në frymën e Halloween-it dhe ndriçim të zbehtë. Megjithatë, nuk ishte vetëm një fotosesion, por një festë tematike ku morën pjesë anëtarë të familjes, fëmijë dhe miq të afërt.

Shumë pyetën nëse Georgina po dërgonte ndonjë mesazh me këtë kostum, duke pasur parasysh se vetëm disa muaj më parë ajo i tha "po" Cristianos Ronaldos gjatë një ceremonie të fshehtë martesore në shtëpinë e tyre familjare.

Megjithatë, është plotësisht e qartë se gruaja e Ronaldos është frymëzuar nga personazhi kryesor në filmin e animuar të Tim Burton, "Nusja e Vdekur".

Edhe pse nuk jemi mësuar ta shohim në stil gotik, duhet pranuar se Georgina arriti të tërheqë vëmendjen e të gjithëve – dhe këtë herë, për ndryshim, arriti të shmangë çdo koment negativ.