Anijo sulmuar pranë Omanit: një person vdiq, 13 u shpëtuan
Një shtetas indian vdiq, ndërsa 13 u shpëtuan pas sulmit ndaj anijes tregtare MSV AL JUSUFI. Ngjarja ndodhi të hënën pranë qytetit Limah në Oman, ndërsa informacionin të martën e bëri të ditur Ministria indiane e Punëve të Jashtme, transmeton Reuters.
Në njoftimin zyrtar të Ministrisë thuhet se në anije ndodheshin gjithsej 14 shtetas indianë.
Tensionet në rajon po rriten
Sulmi ndodhi në kohën e tensioneve të shtuar në Lindjen e Mesme, ndërsa vazhdojnë përpjekjet diplomatike për arritjen e një marrëveshjeje midis SHBA-së dhe Iranit me qëllim të përfundimit të luftës dhe rihapjes së ngushticës së Hormuzit.
Forcat amerikane kanë kryer sulme të kufizuara ndaj ishullit iranian Keshm, konfirmuan tre zyrtarë amerikanë për CNN. Ata i përshkruan sulmet si një veprim mbrojtës, pasi Irani hapi zjarr ndaj një avioni amerikan.
Ishulli Keshm luan një rol të rëndësishëm në kontrollin që Irani ka mbi trafikun nëpër ngushticën e Hormuzit, një nga rrugët kryesore botërore për transportin e naftës. Që nga fillimi i luftës, Irani pretendon se ndjek kalimin e anijeve nëpër ngushticë dhe sulmon anijet që përpiqen të kalojnë pa lejen e tij.
Në të njëjtën kohë, vazhdojnë kontaktet diplomatike midis Uashingtonit dhe Teheranit. Presidenti amerikan Donald Trump deklaroi se është e mundur të arrihet një marrëveshje me Iranin, por nuk përjashtoi mundësinë e sulmeve të reja ushtarake.
