(Foto/Video) Sienna Miller në fustan mini, si të sapodalur nga pista e modës
Sienna Miller dhe Christian Bale promovuan filmin e tyre të ri “Madden”, ku aktorja solli magjinë e vërtetë të viteve 90 në tapetin e kuq, duke u shfaqur në një veshje monokromatike që ngjasonte me një princeshë, e plotësuar me valë të lirshme bjonde në flokë.
Vetëm disa ditë pasi mahniti të pranishmit në një ngjarje në Los Anxhelos – ku ishte me të fejuarin e saj, Oli Green – aktorja Sienna Miller (44) përsëri la të gjithë pa fjalë me pamjen e saj.
Ajo dukej sikur sapo kishte dalë nga një pistë mode e viteve 90, kur të mërkurën iu bashkua kolegut të saj Christian Bale në premierën e filmit të tyre të ri “Madden” në Kalver Siti, Kaliforni.
Për shfaqjen solemne, aktorja zgjodhi një fustan mini vintage rozë sateni me volane, të kombinuar me sandale minimaliste, të buta me rripa të hollë dhe taka të larta, në të njëjtën nuancë.
Ndërsa rrotullohej para fotografëve në tapetin e kuq, ajo zbuloi palosje dramatike në pjesën e pasme të fustanit, të formuara si një trëndafil i madh, që e bëri kombinimin tërësisht të veçantë.
Linia e saj e hollë dhe figura e tonifikuar u theksuan plotësisht – gjë që është edhe më mbresëlënëse duke pasur parasysh se ajo solli në jetë vetëm gjashtë muaj më parë.
Nëna e tre fëmijëve, e cila në film luan rolin e Carol Davis – bashkëshortes së pronarit të skuadrës “Las Vegas Raiders”, Al Davis – stilizoi flokët e saj bjonde në valë të buta dhe zgjodhi një make-up në nuanca rozë, duke kompletuar këtë pamje të frymëzuar nga përrallat.
Sienna Miller solli në jetë fëmijën e saj të tretë në fund të prillit të këtij viti; ajo ka edhe një fëmijë tjetër – një vajzë e lindur në fund të vitit 2023 – me të fejuarin e saj, Oli Green.
Nga lidhja katërvjeçare me aktorin britanik Tom Sturridge, ajo ka fëmijën e saj më të madh, vajzën Marlow, e lindur në korrik 2012.
