Princi Harry zbuloi se ishte në depresion kur u zhvendos në Kanada me familjen

Princi Harry zbuloi se ai dhe bashkëshortja e tij, Meghan Markle, i përmbahen një rregulle të rëndësishme në martesën e tyre: ai kurrë nuk është i ndarë nga bashkëshortja dhe fëmijët për më shumë se dhjetë ditë. Duka i Sussex-it foli për jetën familjare në një sesion të ri të "MasterClass" të dedikuar për përballimin e humbjes dhe ndërtimin e rezistencës.

"Energjia, gëzimi dhe lumturia që më jep familja ime – veçanërisht fëmijët – janë në vend të parë, po ashtu si kënaqësia që marr nga puna në terren", tha Harry.

"Për të ruajtur balancën mes punës dhe jetës private, është e rëndësishme për mua që kurrë të mos jem i ndarë nga bashkëshortja dhe fëmijët për më shumë se dhjetë ditë", shtoi Harry, i cili me Meghan kanë djalin shtatëvjeçar Archie dhe vajzën pesëvjeçare Lilibet.

"Në këtë mënyrë arrij të balancoj punën – dhe atë që dua të arrij përmes saj – me rolin tim si baba dhe bashkëshort. Kjo i vendos të gjitha rolet e mia jetësore në ekuilibër", shpjegoi ai.

Harry (42), gjithashtu, zbuloi se ka përjetuar depresion pasi u zhvendos në Kanada me bashkëshorten Meghan dhe djalin e tyre Archie në fund të vitit 2019.

"Kur mbërrita në Kanada, isha larg nga ambienti stresues në të cilin trupi im ndoshta ishte vazhdimisht i mbushur me adrenalinë. Pas vetëm dy ose tre ditësh, përjetova një rënie të papritur të nivelit të adrenalinës – diçka me të cilën nuk kisha përballuar më parë", rrëfeu ai.

Shpjegoi se pikërisht atëherë kuptoi sa shumë trupi i tij ishte mësuar me stresin. Ndjehej sikur kishte nevojë për adrenalinë thjesht për të funksionuar normalisht, megjithatë, papritmas kuptoi se nuk mund të përballonte as detyrat e përditshme të shtëpisë.

"Në fakt, ra në një depresion që zgjati rreth dy javë. Ndjeja se nuk mund të funksionoja pa adrenalinën", shtoi ai.

Harry dhe Meghan u martuan në maj 2018, dhe një vit më vonë lindi djali i tyre Archie. Në janar 2020, ata njoftuan se po tërhiqeshin nga detyrat mbretërore për t'u bërë financiarisht të pavarur dhe për të nisur një kapitull të ri në jetën e tyre. Vajza e tyre, Lilibet, lindi në qershor 2021.

Pas gjashtë vjetësh jetese në Shtetet e Bashkuara, familja Sussex u kthye në Mbretërinë e Bashkuar në fund të gushtit të këtij viti. Sipas "Page Six", një nga arsyet kryesore të kthimit të tyre është dëshira për t'u afruar më shumë me babanë e Harry-t, Mbretin Charles III, i cili po trajtohet për kancer.

 

foto/EPA