Selena Gomez foli hapur për pasojat e përdorimit të cigareve elektronike: „Më ndryshoi zëri“
Selena Gomez zbuloi pse zëri i saj ka ndryshuar në vitet e fundit. Këngëtarja pranoi se për këtë ndoshta është fajtor "vaping" – dmth përdorimi i cigareve elektronike që përmbajnë nikotin.
Fansat prej kohësh komentuan për ndryshimet në zërin e saj, ndërsa Gomez më parë shpjegoi se herë pas here i fryhet fytit, transmeton "Unilad".
Tani, këngëtarja 34-vjeçare foli më hapur për këtë problem në Instagram.
"Nuk mund ta ndryshoj zërin tim. Kam përdorur shumë cigare elektronike, dhe është vërtet e vështirë të çlirohesh nga varësia ndaj nikotinës. Thjesht doja të thoja, nëse edhe ju po kaloni këtë, apo madje vetëm po mendoni të filloni – mos e bëni. Thjesht nuk ia vlen. Është thjesht budallallëk", deklaroi ajo.
Gomez, e cila së fundmi festoi përvjetorin e parë të martesës me Benny Blanco, shtoi:
"Më ndryshoi zërin, kështu që nëse nuk ju pëlqen si dëgjoni, ju kuptoj plotësisht. Mua nuk më shqetëson. Thjesht mos më dëgjoni. Por jam shumë e lumtur që e ndalova dhe shpresoj të vazhdoj kështu. Nëse po luftoni me varësinë, dijeni se mund ta kapërceni. Edhe pse është jashtëzakonisht e vështirë."
Postimi i saj vjen pak pasi këngëtarja Lola Young foli për problemet që i atribuon përdorimit të cigareve elektronike.
"Arriti në një pikë ku ndjeja si mushkëritë të punonin me bateri – si të ishin një bateri e madhe. Frymëmarrja u bë e vështirë", tha këngëtarja, e njohur për hitin "Messy", në një video në TikTok. "Ndjenja është sikur frymëmarrja është një punë e vështirë. Sikur dikush duhet të më paguajë për këtë. Në mënyrë të drejtëpërdrejtë meritoj pagë vetëm sepse po marr frymë", shtoi ajo.
Përdorimi i cigareve elektronike nuk ndikon vetëm në zë; mund të ketë edhe pasoja të tjera shëndetësore. Patologu forenzik britanik Richard Shepherd së fundmi për "LADBible" foli për rreziqet e mundshme afatgjata nga përdorimi i cigareve elektronike. Ai shprehu shqetësim se me kalimin e kohës mund të rezultojë se përdorimi i cigareve elektronike është po aq i dëmshëm sa edhe pirja e cigareve të zakonshme.
"Në mjekësi dimë se ndonjëherë mund të kalojë shumë kohë para se të bëhet e qartë shkalla reale e dëmshmërisë së diçkaje", tha ai.
"Kjo ishte rasti me pirjen e duhanit. Njerëzit pinin duhan, duke menduar se cigaret vetëm i ndihmonin të relaksoheshin dhe të qetësoheshin pak", shpjegoi ai. "Mund të kalojë shumë kohë derisa pasojat e dëmshme të bëhen të dukshme, kështu që frikësohem se e njëjta gjë mund të ndodhë edhe me përdorimin e cigareve elektronike", përfundoi ai.
