Eskalimi i konfliktit në Lindjen e Mesme e ngriti çmimin e naftës mbi 106 dollarë

Indeksat evropianë të bursave sot janë në rritje, ndërsa çmimi i naftës Brent u rrit mbi 106 dollarë për fuçi për shkak të eskalimit të konfliktit midis Huthive dhe Arabisë Saudite, ndërsa në të njëjtën kohë vazhdojnë tensionet midis Uashingtonit dhe Teheranit.

Çmimi i naftës Brent për dorëzim në dhjetor u rrit për 0,61 për qind, në 106,33 dollarë për fuçi, ndërsa çmimi i naftës amerikane WTI për dorëzim në nëntor u rrit për 0,63 për qind, në 94,73 dollarë, raporton CBS.

Sipas raportit të "Al Jazeera", koalicioni i udhëhequr nga Arabia Saudite ka sulmuar terminale energjetike dhe objekte për magazinimin e karburantit në Jemen.

Sot, ekspertët analizojnë të dhëna për bilancin tregtar të Kinës dhe inflacionin e prodhuesve, çmimet me shumicë në Gjermani, si dhe komentet e kryetares së Bankës Qendrore Evropiane (BQE), Christine Lagarde, ndërsa ndër më të rëndësishmet do të jetë publikimi i inflacionit të konsumatorit në Shtetet e Bashkuara të Amerikës, i cili është paralajmëruar për orën 14:30.