„Fero Invest“ për vitin e dytë me radhë mbështet edukimin mjekësor ndërkombëtar në Shkup

Profesorë eminentë dhe ekspertë mjekësorë nga Europa dhe SHBA morën pjesë në Shkollën Rajonale për Dështim të Zemrës, e cila kontribuon në zhvillimin e kardiologjisë maqedonase dhe pozicionimin e saj në hartën evropiane të ngjarjeve edukative profesionale.

FERO INVEST për vitin e dytë me radhë mbështeti Shkollën Rajonale për Dështim të Zemrës (Master Course in Heart Failure), e cila u mbajt nga 17 deri më 19 shtator 2026 në hotelin „Marriott“ në Shkup. Ngjarja bashkoi profesorë eminentë dhe ekspertë mjekësorë nga SHBA dhe Europa, të cilët me kardiologët vendas ndanë njohuri shkencore bashkëkohore, përvoja dhe qasje në diagnostikimin dhe trajtimin e dështimit të zemrës.

Është veçanërisht e rëndësishme që me organizimin e këtij kursi, Maqedonia e Veriut u rendit në listën evropiane të ngjarjeve edukative profesionale në fushën e kardiologjisë, që përbën një njohje për kapacitetet e komunitetit mjekësor vendas dhe një mundësi për bashkëpunim të mëtejshëm ndërkombëtar.

Për kontributin e saj në realizimin e ngjarjes, FERO INVEST mori certifikatë falënderimi, në të cilën organizatorët theksojnë rëndësinë e bashkëpunimit në forcimin e kapaciteteve në kardiologji dhe përmirësimin e shëndetit të zemrës si një prioritet shoqëror.

Për FERO INVEST, mbështetja e iniciativave të tilla është pjesë e angazhimit për një veprimtari shoqërisht përgjegjëse. Kompania konsideron se roli i sektorit të biznesit nuk përmbyllet vetëm me krijimin e vlerës ekonomike, por nënkupton edhe kontribut në fusha që janë thelbësore për cilësinë e jetës së qytetarëve.

Pikërisht për këtë arsye, FERO INVEST inkurajon edhe kompanitë e tjera në Maqedoni, brenda mundësive të tyre, të përfshihen në mbështetjen e iniciativave shkencore, arsimore dhe shëndetësore.

Investimi në njohuri, shkencë dhe edukim profesional është investim në zhvillimin afatgjatë të shoqërisë. Mbështetja e profesionistëve mjekësorë dhe përmirësimi i tyre i vazhdueshëm krijon kushte për transferimin e përvojave bashkëkohore botërore dhe zbatimin e tyre në praktikën shëndetësore vendase.

Progresi në shëndetësi dhe shkencë është përfitim për të gjithë shoqërinë, dhe mbështetja e tij është përgjegjësi e përbashkët e institucioneve, komunitetit profesional dhe komunitetit të biznesit.

PR