Jotova fiton në zgjedhjet në Bullgari, Siljanovska i uron fitoren

Iliana Jotova fitoi në raundin e dytë të zgjedhjeve presidenciale në Bullgari, duke u bërë gruaja e parë që mban këtë funksion në atë vend.

Pas përpunimit të 99,95 përqind të fletëvotimeve, Jotova mori 57,58 përqind të votave, ose rreth 1,1 milion, ndërsa kundërshtari i saj Andrej Gjurov, i mbështetur nga opozita pro-perëndimore, mori 39,47 përqind.

Presidentja Gordana Siljanovska-Davkova i uron fitoren.

„Në emër të qytetarëve maqedonas dhe në emrin tim personal, i uroj me zemër fitore zgjedhore presidentes Iliana Jotova dhe zv/presidentit Kiril Valçev. Suksesi i presidentes Jotova pasqyron vullnetin e popullit bullgar. Jam e bindur se nën presidencën e saj Bullgaria do të ketë një rol konstruktiv në rajonin tonë dhe në Evropë.

Me padurim pres të bashkëpunojmë në frymën e respektit të ndërsjellë, dialogut të hapur dhe partneritetit të vërtetë. Me vullnet të mirë mund të kapërcejmë sfidat ekzistuese, të forcojmë marrëdhëniet maqedono-bullgare dhe të kontribuojmë për paqe, stabilitet dhe prosperitet“, tha Davkova në urimin e saj në rrjetet sociale.