Anije mallrash goditur nga tre dronë pranë Bullgarisë

Një anije kontejnerësh që lundronte nën flamurin e Liberisë u godit nga tre dronë detarë në Detin e Zi, rreth 40 kilometra nga Shabla, në bregun veriperëndimor të Bullgarisë, njoftoi sot ministri bullgar i mbrojtjes Dimitar Stojanov.

Stojanov konfirmoi sulmin gjatë takimit trilateral në Sofje me ministrin turk të mbrojtjes Yaşar Güler dhe ministrin rumun të mbrojtjes Ștefan Radu Oprea, si dhe me shefat e shtabeve të përgjithshme të tre vendeve, të cilët diskutuan për sigurinë rajonale, transmeton "Novinite".

Portali i specializuar "Maritime.bg" publikoi se është sulmuar anija "Contship Jet", e cila lundronte nën flamurin e Liberisë, dhe më parë kishte nisur nga porti izraelit Haifa drejt portit rumun Konstanca.

Sipas informacioneve të portalit, një tanker u dërgua për të ndihmuar anijen, ndërsa ekuipazhi u evakuua në shalë shpëtimi.

Fillimisht u raportua se ekuipazhi kishte braktisur anijen, por deri tani nuk ka informacione për gjendjen e anëtarëve të ekuipazhit, as për shkallën e dëmeve në anije.

"Gjatë këtij takimi, një anije kontejnerësh u godit me tre dronë detarë në ujërat bregdetare. Vendndodhja është rreth 21 milje detare nga Shabla", deklaroi Stojanov.

Ai falënderoi kolegët turk dhe rumun që pranuan të marrin pjesë në takim në një kohë të shkurtër për shkak të përkeqësimit të situatës së sigurisë në Detin e Zi.

Stojanov vlerësoi se praninë e tyre tregon vendosmërinë e përbashkët të tre vendeve për t'u përgjigjur sfidave rajonale.

Bullgaria, Rumania dhe Turqia miratuan një deklaratë të përbashkët me të cilën dënojnë sulmet ndaj trafikut civil detar.

Stojanov vlerësoi se këto incidente përbëjnë një përshkallëzim të rrezikshëm dhe kërcënojnë seriozisht sigurinë e lundrimit.

"Bëjmë thirrje për një ndalim urgjent të sulmeve që rrezikojnë anijet tregtare, infrastrukturën detare dhe sigurinë e aktiviteteve detare", deklaroi Stojanov.