Kontrolle falas për Ditën Botërore të goditjes në tru në shesh: Në 50 përqind të të kontrolluarve u gjetën probleme
Ministri i Shëndetësisë, Sašo Klekovski, sot iu drejtua shënimit qendror të Ditës Botërore të goditjes në tru, në organizim të Klinikës së neurologjisë, e dedikuar parandalimit, njohjes në kohë të simptomave dhe përmirësimit të kujdesit shëndetësor për pacientët.
"Në rast të goditjes në tru, parandalimi dhe trajtimi në kohë janë veçanërisht të rëndësishme, sepse koha për reagim është disa orë dhe për këtë nevojitet diagnostikim radiologjik i disponueshëm dhe mundësi për fillim të shpejtë të terapisë. Kjo aksion për rritjen e ndërgjegjësimit dhe parandalimit është vetëm një hap. Së bashku me Klinikën e neurologjisë po punojmë edhe në përmirësimin e rrugëve të lëvizjes së pacientëve me goditje në tru, me qëllim që të shpëtojmë sa më shumë jetë dhe të ulim paaftësinë. Njëkohësisht, dua të shpreh kënaqësinë time për punën e suksesshme të Klinikës së neurologjisë, e cila arrin të hapë tema shumë të rëndësishme për shëndetin tonë," theksoi ministri Klekovski.
Ai sqaroi se Klinika e neurologjisë është një nga klinikat më komplekse dhe kujtoi procesin e decentralizimit të terapisë për sklerozën multiple, i cili filloi në Qendrën Spitalore Universitare "8 Shtatori", Spitalin Klinik të Shtipit dhe spitalin në Ohër, dhe tashmë po bëhen hapa për përfshirjen e spitaleve në Tetovë, Prilep dhe Strugë. Ditët në vijim do të ketë informacione edhe për përparimin në sëmundjen e Parkinsonit dhe Alzheimerit, në bashkëpunim me Qendrën Klinike Universitare të Lubjanës.
Drejtori i Klinikës së neurologjisë, dr. Jovan Bozhinovski, theksoi se aksionet u realizuan në disa qytete të vendit dhe u arrit qëllimi i ngjarjes.
"Në kuadër të aksionit për kontrolle falas parandaluese në sheshin e Shkupit u kontrolluan 147 qytetarë dhe u bënë 160 kontrolle doppler, ku një pacient u hospitalizua për shkak të një gjetjeje të rëndësishme. Tek rreth 50 përqind e të kontrolluarve u gjet ndonjë problem, ndërsa rreth 30 përqind do t’i thërrasim për ekzaminime shtesë në Klinikën e neurologjisë. Çdo minutë është e rëndësishme, koha është tru – njohja në kohë e simptomave bën ndryshimin midis jetës dhe vdekjes, midis paaftësisë dhe mirëqenies fizike dhe mendore. Po ashtu është e rëndësishme parandalimi i duhur, sepse në 90 përqind të rasteve goditja në tru mund të parandalohet," theksoi dr. Bozhinovski.
