Mucunski-Klein: shprehur pritje për vazhdimin e mbështetjes hungareze për perspektivën evropiane të rajonit

Ministri i Punëve të Jashtme dhe Tregtisë së Jashtme, Timço Mucunski, sot zhvilloi takim me përfaqësuesin e posaçëm të Ministrisë së Punëve të Jashtme të Hungarisë për Ballkanin Perëndimor, ambasadorin Andrash Klein.

Gjatë takimit u shpreh kënaqësi për zhvillimin e vazhdueshëm të marrëdhënieve dhe bashkëpunimit të shkëlqyer midis dy vendeve, të cilat në vitin 2025 u ngritën në nivelin e bashkëpunimit strategjik midis dy qeverive. Në këtë kontekst, u konfirmua angazhimi i përbashkët për thellimin e mëtejshëm të partneritetit në fushat me interes të përbashkët.

U vu theksi i veçantë në rëndësinë e një procesi të besueshëm dhe dinamik të zgjerimit të Bashkimit Evropian, si një nxitës i rëndësishëm për stabilitetin, reformat dhe zhvillimin e Ballkanit Perëndimor. Në këtë drejtim, u shpreh pritja për vazhdimin e mbështetjes hungareze për perspektivën evropiane të rajonit.

Biseduesit shkëmbyen mendime edhe për gjendjet aktuale në Ballkanin Perëndimor, duke theksuar angazhimin e përbashkët për ruajtjen dhe përmirësimin e paqes, sigurisë dhe stabilitetit në rajon, veçanërisht në kontekstin e sfidave aktuale globale dhe të sigurisë.