QUK me apel: Përdorni 112 vetëm për raste emergjente, njerëzit kanë telefonuar për probleme të përditshme

Qendra për Menaxhim të Krizave apelon te qytetarët që numri 112 të përdoret me përgjegjësi dhe vetëm në situata kur është e nevojshme ndërhyrje urgjente dhe e patundur.

Gjatë periudhës së kaluar janë regjistruar një numër i madh thirrjesh në 112 që nuk kanë karakter emergjent – thirrje të lidhura me probleme të përditshme, keqkuptime ndërnjerëzore, kërkime informacioni, çështje administrative dhe situata të tjera ku nuk ekziston rrezik i menjëhershëm dhe nuk është e nevojshme reagim urgjent i shërbimeve kompetente.

"Është e rëndësishme të dihet se çdo thirrje jo emergjente zë kohën e operatorit dhe kapacitetin e linjave. Në të njëjtën kohë, mund të presë ndihmë një person i cili ka jetën ose shëndetin në rrezik, viktimë e dhunës, pjesëmarrës në një aksident të rëndë rrugor ose qytetar i përballur me rrezik tjetër real", thonë nga QUK.

KUR DUHET TË THËRRETË NË 112?

Telefononi në 112 kur ekziston rrezik i menjëhershëm për jetën, shëndetin, sigurinë, pronën ose mjedisin dhe kur është e nevojshme ndërhyrje urgjente e Policisë, Ndihmës së Shpejtë Mjekësore, shërbimeve zjarrfikëse ose shërbimeve të tjera kompetente.

Nëse situata nuk kërkon reagim urgjent, drejtohuni te institucioni ose shërbimi kompetent për problemin konkret përmes kanaleve të tyre të rregullta të kontaktit.

"Apelojmë edhe te institucionet, ndërmarrjet publike, kompanitë dhe njësitë e vetëqeverisjes lokale që të mos e tregojnë 112 si numër të përgjithshëm kontakti për marrjen e informacionit, raportime administrative, evidentim të dëmtimeve materiale dhe nevoja të tjera që nuk kanë karakter urgjent", thonë nga QUK.

Theksojnë se 112 nuk është numër informativ, 112 nuk është numër për probleme të përditshme, por 112 është numër për raste emergjente.

"Mbani linjën të lirë për ata për të cilët çdo sekondë ka rëndësi!", apelojnë nga QUK.