U prishën marrëdhëniet mes Itudis dhe Miciç
Hapoel Tel Aviv e nisi sezonin në Euroligë shumë mirë. Ekipi izraelit ka gjashtë fitore dhe dy humbje.
Megjithatë, pavarësisht rezultateve të mira, atmosfera në ekip nuk është e mirë. Sipas asaj që raportoi "Sport 5", trajneri Dimitris Itudis dhe një nga lojtarët më të mirë, Vasilije Miciç, nuk janë në marrëdhënie të mira.
Derisa më parë ishin shumë afër, kjo ka ndryshuar së fundmi, dhe sipas këtij burimi ata të dy pothuajse nuk flasin më me njëri-tjetrin.
Thuhet se komunikimi është reduktuar në minimum absolut.
"Kjo nuk është diçka që nuk mund të vërehet. Tensioni ndihet qartë. Diçka ka ndodhur mes Vasa dhe Itudis dhe marrëdhënia e tyre nuk është më si më parë", thonë burime nga Hapoel për "Sport 5".
Sipas dëshmisë, Miciç ka konfirmuar se marrëdhëniet me Itudis janë në një krizë serioze dhe janë bërë shumë të këqija.
Vasilije Miciç nuk luajti në fitoren e Hapoelit ndaj Efesit për shkak të një dëmtimi në kyç, por duket se ka probleme më të thella brenda ekipit.
Miciç, me një pagë prej afërsisht 5.5 milionë dollarë, është lojtari me pagën më të lartë në Euroligë. Ai po luan sezonin e dytë me fanellën e Hapoelit, pasi më parë kaloi dy sezone të pasuksesshme në NBA.
Foto/ Depositphotos
