Mickoski pret fitore në Brvenicë
Kryeministri dhe lideri i VMRO-DPMNE-së, Hristijan Mickoski, sot duke iu përgjigjur një pyetjeje gazetareske lidhur me ditën e fundit të fushatës zgjedhore në Brvenicë dhe çfarë pritshmërish ka për raundin e dytë, deklaroi se partia e tij hyn në çdo garë me qëllim për të fituar.
„Sot në fund të ditës do të kemi një fjalim përfundimtar para banorëve të Brvenicës. VMRO-DPMNE hyn në çdo fushatë me qëllim për të fituar, ashtu edhe në këtë fushatë në Brvenicë në raundin e dytë. Në raundin e parë morëm më shumë vota, pothuajse 3000, tani presim që edhe atë numër votash ta rrisim, qëllimi ynë është të jemi mbi 4000 vota dhe me këtë mendojmë se do të kemi fitore në Brvenicë. Ne, ndryshe nga partitë politike që u bashkuan rreth kundërkandidatit, i drejtoheshim banorëve të Brvenicës, ata krijuan ndarje etnike pa marrë parasysh se ata do të largohen më 2, ndërsa aty do të mbeten njerëzit për të jetuar së bashku, maqedonas, shqiptarë, të tjerë, si dhe të krishterë dhe myslimanë. Fatkeqësisht, zhvilluan një fushatë të tillë, do të thoja, që nuk i takon shekullit 21, por kjo është ajo që është. Ata mendojnë se, supozoj, në këtë mënyrë do të fitojnë një kryetar më shumë në Brvenicë.“
Dërgoi një mesazh për banorët e Brvenicës.
Mesazhi im për banorët e Brvenicës dhe për opinionin maqedonas është se kur vendosin për kë do t’i japin votën, duhet të vendosin nëse do t’ia japin votën atyre që në të kaluarën, për më shumë se dy dekada, patën mundësinë të bëjnë diçka, por nuk bënë asgjë, dmth lanë zero, dhe atyre që tani po bëjnë gjithçka që, fatkeqësisht, në të kaluarën nuk u bë. Dhe këtu nuk ka ndarje etnike dhe për këtë arsye unë do të doja edhe një herë të dërgoj një mesazh për banorët e Brvenicës dhe banorët e Maqedonisë, se nëse duam të ecim përpara, duhet të flasim për më shumë projekte dhe të flasim për vlerë të shtuar në cilësinë e jetës së qytetarëve, dhe jo të kthehemi te politikat e shekullit të kaluar. Ata janë goma shpëtimi për politikanët që i përkasin shekullit të kaluar dhe ata kështu e shohin këtë fushatë në Brvenicë. Por në fund të ditës, të dielën do të shohim se cili do të jetë rezultati. Pres që dita të kalojë qetë, të mos ketë incidente më të mëdha dhe në këtë mënyrë të tregojmë se jemi një demokraci e pjekur, gjë që në fakt po e tregojmë, sepse paqja tek ne nuk është vënë në pikëpyetje, ndërsa në rrethinë, në fqinjësi, por edhe në të gjithë Evropën, shihni se kemi një situatë mjaft të tensionuar në disa qytete.“
