Paralajmërim dramatik i Zelenskyt: „Nëse bien, 20 milionë njerëz do të vijnë në Evropë“

Ukraina ka mbështetje nga të gjithë liderët evropianë, deklaroi sot presidenti ukrainas Volodymyr Zelensky, duke mohuar raportimet mediatike se përfaqësuesit evropianë i kishin kërkuar atij të zbutte tonin në bisedimet me presidentin amerikan Donald Trump.

"Gjatë takimeve të sotme nuk pati asnjë vërejtje. Dëgjova vetëm mbështetje nga kolegët e mi evropianë, për të cilën jam mirënjohës", tha Zelensky në një konferencë për shtyp, pasi mori pjesë në pjesën e samitit të Bashkimit Evropian të dedikuar për Ukrainën dhe zhvilloi disa biseda bilaterale me liderët evropianë.

Sipas disa raportimeve mediatike, përfaqësuesit evropianë i kërkuan Zelenskyt të mos tensionojë marrëdhëniet me presidentin amerikan Trump, për të mos e zemëruar më tej atë.

Pyetur për marrëdhëniet me Trump dhe komentet e presidentit amerikan se është më e vështirë të negociohet me të sesa me presidentin rus Vladimir Putin, Zelensky tha se duhej të mbrojë mbijetesën e vendit të tij.
Ai theksoi se marrëveshja e Trump me Rusinë për importin e naftës dizel nuk është e mirë dhe paralajmëroi se kjo mund të çojë në një rrugë të rrëshqitshme, pas së cilës mund të pasojnë marrëveshje për importin e gazit rus, heqjen e sanksioneve ndaj sistemit bankar rus, disa individëve dhe industrisë kimike, dhe përfundimisht diskutime për asetet e ngrira ruse.

Pyetur nëse Ukraina do të vazhdojë sulmet ndaj rafinerive ruse, pavarësisht kërkesës së Trump për të ndaluar sulmet, Zelensky tha se zakonisht nuk flet për detajet e operacioneve ukrainase.

"Nëse bien, 20 milionë ukrainas do të vijnë në Evropë"

Zelensky tha se presidenti rus Vladimir Putin nuk dëshiron paqe dhe se qëllimi i tij është të shkatërrojë Ukrainën.

"Ai nuk respekton sovranitetin dhe integritetin tonë territorial. Donbasi nuk i mjafton. Nëse bien, 20 milionë ukrainas do të vijnë në Evropë. Prandaj kërkojmë të qëndrojmë të fortë dhe të mbrojmë vendin tonë", tha presidenti ukrainas.

Foto: EPA