Reagimi i parë i Musk pas zgjedhjeve: Duket se lazerët e mi hapësinorë për manipulim zgjedhjesh këtë herë nuk funksionuan
Pas fitoreve të demokratëve në zgjedhjet për Dhomën e Përfaqësuesve dhe Senatin, u shpreh miliarderi Elon Musk – njeriu më i pasur në botë dhe një nga mbështetësit më të mëdhenj financiarë të kandidatëve republikanë.
"Qendrat e të dhënave në hapësirë duken mjaft tërheqëse në këtë moment", shkroi Musk në rrjetin social X.
"Duket se lazerët e mi hapësinorë për ndërhyrje në zgjedhje këtë herë nuk funksionuan", shtoi ai.
Gjatë fushatës zgjedhore, Musk shpenzoi qindra miliona dollarë për të mbështetur kandidatët republikanë për Kongres. Investimi i tij më i rëndësishëm ishte në garën në Teksas, ku republikania Ken Paxton – i cili kishte edhe mbështetjen e presidentit Donald Trump – humbi nga kandidati demokrat James Talarico.
