Të paktën 14 të vdekur në rrëshqitje toke në një minierë ilegale ari në Kolumbi

Të paktën 14 persona kanë vdekur, ndërsa shtatë janë plagosur në një rrëshqitje toke në një minierë ilegale ari në jugperëndim të Kolumbisë, raporton "Euronews".

Numrin e viktimave e konfirmoi Alekz Gonzales, sekretar për paqe dhe siguri i departamentit Nariño, i cili njoftoi se kërkimi për të mbijetuar ka përfunduar.

Në rrjetet sociale u shfaqën video ku shihet se si njerëzit me ndihmën e një ekskavatori transportojnë trupat e të vdekurve nga miniera në varka në lumin afër.

Ekipet e shpëtimit kanë pasur vështirësi për të arritur në vendin e aksidentit për shkak të terrenit të paarritshëm dhe pranisë së grupeve kriminale në zonë.

Nariño, që kufizohet me Ekuadorin, njihet si një qendër e nxjerrjes ilegale të arit, ku grupet e armatosura kontrollojnë tregtinë me këtë metal të çmuar. Aksidentet në minierat ilegale janë të shpeshta në Kolumbi.