Tensionet mes dy Koreve rriten: Veriu i urdhëroi ushtrisë së tij të jetë në gatishmëri
Korea e Veriut i ka urdhëruar njësitë e saj kufitare të ndërmarrin "veprime të shpejta dhe vendimtare" nëse forcat e Koresë së Jugut kërcënojnë sigurinë e tyre. Kjo udhëzim, për të cilin raportuan mediat shtetërore, rrit rrezikun e një konflikti përgjatë kufirit të ruajtur fort, transmeton Reuters.
Veprimi i Phenjanit vjen një ditë pasi Seuli njoftoi se do të ndëshkojë "me vendosmëri" çdo provokim të ri – si përgjigje ndaj kërcënimeve nga Korea e Veriut për forcimin e pozicioneve ushtarake përgjatë kufirit.
Udhëheqja ushtarake në kufi
Agjencia shtetërore e lajmeve KCNA njoftoi se marshalli verikorean Pak Jong Çon inspektoi dje fortifikimet përgjatë kufirit me Korenë e Jugut. Në shoqërinë e tij ishte Kim Jo Jong, motra me ndikim e liderit Kim Jong Un. Kim Jo Jong deklaroi se njësitë e reja artilerike "kanë marrë pozicione luftarake" menjëherë në kufi.
Tensionet mes dy vendeve janë rritur që nga prilli i vitit 2024, me Phenjanin që forcon gjithnjë e më shumë kufirin. Koreja e Veriut dhe Koreja e Jugut ndahen nga Zona Demilitarizuar, e vendosur me armëpushimin që përfundoi Luftën Koreane në vitin 1953.
