(Video) Droni rus godet drejtpërdrejt në një ndërtesë të lartë në Kiev

Një sulm i ri me drone ruse ndaj Kievit rezultoi me një të vdekur dhe një të plagosur, pasi një dron goditi një ndërtesë banimi me 24 kate në zonën Sviatoshynskyi, konfirmuan kryetari i Kievit, Vitali Klichko, dhe administrata ushtarake e qytetit.

Në rrjetet sociale filloi të përhapet shpejt një video shqetësuese nga goditja, ku shihet momenti kur një dron rus me shpejtësi të madhe godet ndërtesën në nivelin e katit të 19-të, pas së cilës ndodh një shpërthim dhe zjarr.

Në vendin e ngjarjes u dërguan menjëherë ekipe zjarrfikëse dhe mjekësore, të cilat konfirmuan vdekjen e banorit, ndërsa një person tjetër i plagosur u mor në kujdes.

Sulmi me drone ndaj kryeqytetit të Ukrainës u zhvillua në valë, nga mbrëmë deri në mëngjes. Përveç goditjes së drejtpërdrejtë në ndërtesën banimi, janë regjistruar dëmtime edhe në vende të tjera të qytetit.

Në zonën Desnjansky, mbetjet e dronit shkaktuan zjarr në makina të parkuara, ndërsa në zonën Solomiansky u godit një objekt i infrastrukturës rrugore, ku gjithashtu shpërtheu zjarr. Në të njëjtën zonë u regjistrua edhe rënia e një droni në hapësirë të hapur, ku fatmirësisht nuk pati dëme materiale apo persona të lënduar.

foto/depostipotos/ilustrim