(Video) Të paktën 26 të vdekur në sulmin rus ndaj një qendre humanitare: „Tragjedi e tmerrshme“

Të paktën 26 persona kanë vdekur gjatë bombardimit rus të një qendre për shpërndarjen e ndihmave humanitare në fshatin Komishuvakha. Presidenti ukrainas Volodymyr Zelensky e përshkroi sulmin në rajonin jugor të Zaporizhzhia si "absolutisht të tmerrshëm". Përfaqësuesi rajonal Mykhailo Semikin deklaroi se pesë persona u plagosën, ndërsa 27 fillimisht u raportuan si të zhdukur, pasi të paktën nëntë bomba ajrore – me peshë totale prej 3,000 kilogramësh – goditën fshatin, transmeton BBC.

Sulm ndaj qendrës së ndihmës
Presidenti Volodymyr Zelensky deklaroi se pas goditjes fillestare ndaj një shkolle lokale – e cila përdorej për qëllime humanitare – pasoi një sulm i dytë ndaj vendit ku njerëzit kërkuan strehim. Ai gjithashtu publikoi një video ku shihet një kratër i madh i krijuar nga sulmi të hënën, ndërsa ekipet e shpëtimit kërkojnë në rrënoja. Ushtria ruse nuk ka dhënë koment zyrtar.

Zelensky njoftoi fillimisht për 18 viktima, por Shërbimi Shtetëror për Situata Emergjente të Ukrainës (DSNS) më vonë konfirmoi se kanë vdekur 24 persona, përfshirë dy shpëtimtarë dhe katër policë.

Në fjalimin e tij video të hënën në mbrëmje, Zelensky konfirmoi se numri i të vdekurve është rritur në 26.