Arrestohet një 39-vjeçar nga Shkupi, rrahu gruan dhe e dëboi nga shtëpia familjare

Një burrë 39-vjeçar nga Shkupi është arrestuar pasi ka sulmuar fizikisht gruan e tij, i ka kërcënuar dhe e ka dëbuar nga shtëpia familjare në komunën e Gazi Babës në Shkup.

Sipas informacioneve nga Ministria e Punëve të Brendshme, incidenti ka ndodhur më 31 tetor, rreth orës 17:30, në shtëpinë familjare, pas së cilës rasti është raportuar në polici.

Oficerët e policisë nga Njësia për Krim të Dhunshëm pranë SPB Shkup e kanë privuar nga liria M.M. (39) në orën 21:55, në Stacionin Policor Kisela Voda.

Sipas raportimeve, gruaja e tij 39-vjeçare ka qenë e ekspozuar në vitet e kaluara ndaj keqtrajtimit psikologjik dhe fizik nga ana e tij.

MPB njofton se pas dokumentimit të plotë të rastit do të ndiqet një kallëzim i përshtatshëm.