Ajo ka raportuar se burri e ka sulmuar me një send të fortë dhe i ka kërcënuar në shtëpinë familjare në Çair

Një grua 24-vjeçare nga Shkupi ka raportuar se është sulmuar fizikisht dhe ka marrë kërcënime nga burri i saj në shtëpinë familjare në zonën e Bit-pazarit.

Sipas informacioneve nga MPB, rasti është raportuar sot në orën 3 të mëngjesit, ndërsa sulmi ka ndodhur ditën e mëparshme, rreth orës 13:00. Sipas raportit, burri i saj 24-vjeçar e ka sulmuar me një send të fortë dhe i ka shkaktuar lëndime, si dhe ka drejtuar kërcënime ndaj saj dhe familjes së saj.

Gruaja gjithashtu ka raportuar se më parë është keqtrajtuar psikologjikisht dhe fizikisht nga burri i saj.

MPB njofton se po ndërmerren masa për zbardhjen e rastit.