LSDM: Ribalancimi i Buxhetit është sepse nuk ka para për paga dhe pensione deri në fund të vitit

Qeveria po përgatit një ribalancim të ri të Buxhetit për shkak të mungesës së mjeteve për pagesën e pagave, pensioneve dhe mbulimin e shpenzimeve aktuale deri në fund të vitit, thonë nga LSDM.

Anëtarja e Bordit Ekzekutiv të partisë, Simona Cvetanoski, në konferencën për shtyp të sotme deklaroi se gjendja me arkën shtetërore është katastrofale dhe se deficiti buxhetor do të tejkalojë 900 milionë euro.

"I gjithë deficiti i planifikuar është tashmë shpenzuar, nuk ka para për paga dhe pensione dhe shpenzime aktuale deri në fund të vitit. Prandaj ribalancimi i ri. I dyti vetëm dy muaj pas ribalancimit të fundit", tha Cvetanoski.

<span data-mce-type=”bookmark” style=”display: inline-block; width: 0px; overflow: hidden; line-height: 0;” class=”mce_SELRES_start”></span>

Sipas saj, ribalancimi i paralajmëruar nuk ka lidhje me masat për karburantet, siç pretendon Qeveria, por me dështimin e të ardhurave buxhetore.
"Në vend që të kursejë nga shpenzimet jo produktive, të ndalë luksin dhe tenderët partiakë – përsëri borxhe të reja", akuzoi Cvetanoski.

Ajo theksoi se Qeveria tashmë ka filluar procedurën për marrjen e borxhit prej 250 milionë eurosh për nevoja buxhetore deri në fund të vitit, dhe se pritet edhe një borxh i ri prej 1.3 miliardë eurosh.